حوزہ نیوز ایجنسی کی رپورٹ کے مطابق ترجمان وفاق المدارس الشیعہ پاکستان نصرت شہانی نے کہا کہ محکمہ صحت اور حکومت پنجاب کے ہدایت کے مطابق صوبہ پنجاب سمیت ملک بھر میں ہمارے وفاق کے ساتھ جتنے بھی مدارس رجسٹرڈ ہیں کو 4 اپریل تک بند کر دیا گیا ہے۔
انھوں نےکہا کہ محکمہ صحت اور حکومت پنجاب کے ہدایت کے مطابق صوبہ پنجاب سمیت ملک بھر میں ہمارے وفاق کے ساتھ جتنے بھی مدارس رجسٹرڈ ہیں کو 4 اپریل تک بند کر دیا گیا ہے۔ انہوں نے کہا کہ ہمارے مجتہدین نے بھی اپنے فتووں میں کہا ہے کہ ایسی صورتحال میں حکومت کے انسدادی اقدامات پر عملدرآمد کیا جائے۔ نصرت شاہانی کا کہنا تھا کہ تمام دینی مدراس میں زیرِتعلیم طلبہ کو گھروں کو بھیج دیا گیا ہے، جبکہ تمام ہاسٹل خالی کروا لئے گئے ہیں۔ ادھر لاہور میں جامعہ المنتظر، جامعہ عروۃ الوثقیٰ سمیت دیگر مدارس خالی کروا لئے گئے ہیں جبکہ طلبہ کو گھروں کو بھیج دیا گیا ہے۔